Այսօր ժամը 15։00-ի սահմաններում հայ֊ադրբեջանական սահմանին ականի պայթյունից վիրավորվել է Տավուշի մարզի Բարեկամավան համայնքի բնակիչ Արման Խալաթի Միքայելյանը։
Բարեկամավան համայքի ֆեյսբուքյան էջը տեղեկացնում է. «Բարեբախտաբար կյանքին վտանգ չի սպառնում՚ Պայթյունի հետևանքով պոկվել է ոտնաթաթը։ Նրան հնարավոր է եղել դեպքի վայրից դուրս բերել միայն համապատասխան ստորաբաժանման միջոցով՝ 18։00-ի սահմաններում։ Այժմ գտնվում է Նոյեմբերյանի հոսպիտալում»։
«Վնասվել է աջ ստորին վերջույթը, անդամահատում պետք է լինի։ Բնակչի մոտ երկրորդ աստիճանի շոկ է»,- տեղեկացնում են ԲԿ-ից։