ՊՆ-ն մեկնաբանել է հայ և ադրբեջանցի զինվորականների մասնակցությամբ տարածված տեսանյութը

Սոցցանցերում տարածված՝ հայ սպաների և ադրբեջանցի զինվորականների մասնակցությամբ տեսանյութը մեկնաբանել են պաշտպանության նախարարությունից:

ՊՆ-ից ասել են՝ դա հին տեսանյութ է, մոտ երկու շաբաթ առաջ է եղել՝ Կապանի ուղղությամբ։

«Շատ թեթև միջադեպ է եղել, որը շատ արագ հարթվել է, տարածքը էլի մեր վերահսկողության տակ է գտնվում»,-հայտնեցին մեզ։

Հարցին՝ ինչպես է հարթվել, պատասխանեցին՝ խոսել են, ամեն ինչ ճշտել են։

Այս մասին տեղեկանում ենք Tert.am-ից: