ՀՀ ոստիկանությունը հայտնել է, որ Վաղարշապատի բաժնի քրեական հետախույզները օպերատիվ տեղեկությունն իրացրին փետրվարի 21-ին:
«Առավոտյան ժամը 6-ին, ապօրինի թմրամիջոց պահելու և օգտագործելու կասկածանքով, Էջմիածնի Զվարթնոց թաղամասից բերման ենթարկեցին 50-ամյա մի տղամարդու: Անձնական խուզարկությամբ նրա մոտ հայտնաբերվեց փայլաթիթեղի երեք փաթեթ` սպիտակ, բյուրեղանման զանգվածներով:
Ըստ 50-ամյա տղամարդու` հայտնաբերվածը կրիստալ տեսակի թմրամիջոց է, որը ձեռք էր բերել մայրաքաղաքում՝ օտարերկրյա մի քաղաքացուց և պահել իր օգտագործման համար:
- Ապօրինի հատվել է 46 ծառ․ հայտնաբերվածը տեղափոխվել է ոստիկանություն (ՏԵՍԱՆՅՈՒԹ)
- Ոստիկանությունը ողջ զինանոց է հայտնաբերել. կան ձերբակալվածներ (ՏԵՍԱՆՅՈՒԹ)
Ձեռնարկվում են միջոցառումներ` իրացնողի ինքնությունը պարզելու և նրան հայտնաբերելու ուղղությամբ:
Նշանակվել է փորձաքննություն, հանգամանքները պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով»,- ասվում է հաղորդագրության մեջ:
