ՀՀ Զբոսաշրջության կոմիտեի Facebook-ի էջից տեղեկացնում են, որ զբոսաշրջության կոմիտեի հրավերով Հայաստանում է գտնվում ամերիկացի վլոգեր Դեյվիդ Հոֆմանը, որը համացանցում հայտնի է որպես Davidsbeenhere` ավելի քան 74 երկրի մասին պատմող իր յութուբյան տեսաշարքերով։
Դեյվիդը տեսախցիկի միջոցով տեսագրում է իր ողջ փորձառությունը ճամփորդության ընթացքում։ Հայ զբոսավարի ուղեկցությամբ այցելելով Հայաստանի և Արցախի հայտնի և թաքնված տեսարժան վայրեր` նա ճանաչում և իր հետևորդներին է փոխանցում իր տեսածն ու զգացածը` հայկական մշակույթից, արվեստից և արհեստից մինչև հայկական խոհանոց, կենցաղ, գինեգործություն։
Հայաստանի և Արցախի մասին պատմող ավելի քան 30 տեսաշարք հասանելի կդառնա իր յութուբի ալիքում։ Իսկ @davidsbeenhere.com կայքում կհրապարակվեն տպավորություններով հագեցած հոդվածներ և նկարներ։ Davidsbeenhere ինստագրամի էջում կարող եք հետևել իր «ճամփորդական օրագրին»։
https://www.facebook.com/ArmeniaTourismCommittee/posts/721877624902945?__xts__[0]=68.ARBqdRwDULtYql787FFWSv3HQh9QU6oXr2fbW-nj1VIg9mgEXf7VPuO7O1LfIz1tSdgz9Ufr8Pb91uuY0052LAVdJLn3vrexJUKDgGppGQtPwsnLup9_rd_VPEjTahg5DmlKs2fLEQ5L4_SFDgREza4-3TcghVxakZBfUdEYUPBeFhtmsdoG7yFLWZ2XbIpCUi88WSDCTYX8nsBsd7y_VHCKXo6oAPpI6e9Ae4IJMyEu2_CGaT5QXiWsR9N8z2viCg9hRE1FoZOVZSr5qXNxIEtKPZkYYU26KJ9P0cgqEVdFQOLjXZ8a-bPb7UDAqEjV3vEOVpKsZI89zcFbAykRchU&__tn__=-R