«Արսենալի» գլխավոր մարզիչ Միկել Արտետան մեկնաբանել է «Բրայթոնից» կրած 1։2 հաշվով պարտությունը Անգլիայի առաջնության 30-րդ տուրի խաղում։
Մարզիչը նշել է, որ ինքն իսկապես հիասթափություն է ապրում:
«Անթույլատրելի է այսպես պարտվել։ Գիտեմ, որ մենք ունենք երիտասարդ կազմ և սիրում ենք մրցել, բայց մենք պարզապես հանձնեցինք այս խաղը, որի արդյունքը պետք էր վճռել շատ ավելի վաղ: Մենք արեցինք ավելին, քան բավարար կլիներ հաղթանակի համար, բայց դարձյալ խաղադաշտից հեռանում ենք առանց միավորի։ Անհեթեթ գոլեր ենք բաց թողնում, ինչի հետևանքով էլ տանջվում ենք»,-հայտնել է Արտետան:
Հայտնենք, որ«Բրայթոնը» հաղթական գոլը խփել է ավելացված 5-րդ րոպեին։
Այս մասին հայտնում է BBC-ն։
