ՀՀ պետական բյուջեի միջոցներով հիմնանորոգվում է Տ-2-62, /Հ-8/ (Այգավան) – /Հ-11/ (Եղեգնավան) ավտոճանապարհի կմ 0+100-կմ 3+000 հատվածը՝ տեղեկացնում են «Ճանապարհային դեպարտամենտ» հիմնադրամից: Շինարարությունը կատարում է «Արարատ ճանշին» ՍՊԸ-ն, շինաշխատանքների տեխնիկական հսկողությունն իրականացնում է «Աստիճան» ՍՊԸ-ն։
Արարատի մարզով անցնող՝ 2.9 կմ երկարությամբ տեղական նշանակության ավտոճանապարհին այս պահին կատարվում են հողային, հին ասֆալտեբոնե ծածկի քանդման և նոր ասֆալտեբոնե ծածկի տեղադրման աշխատանքներ։ Նախագծով նախատեսված են նաև ճանապարհին առկա փոքր կամուրջների նորոգում։ Աշխատանքների պայմանագրային արժեքը 259 մլն դրամ։
Շինաշխատանքների ընթացքում կապալառուն ջրցան մեքենաներով պարբերաբար կատարում է ջրցանում՝ փոշու քանակը վերահսկելու համար՝ ասված է հաղորդագրությունում: