Արգենտինայի ազգային հավաքականի առաջատար Լիոներ Մեսսին Կոպա Ամերիկայի գավաթը նվաճելուց հետո կիսվել է իր էմոցիաներով։
Նա ասել է, որ այն երջանկությունը, որը զգում է ինքը, հնարավոր չէ նկարագրել։
Մեսսին ասաց, որ այդ պահի մասին շատ է երազել։
«Երբեմն ես պարտվել եմ եզրափակչում, բայց գիտեի, որ այս օրը գալու է», – նշել է արգենտինացին։
Նա անկեղծացել է, որ հաճախ, երբ պարտվել են, ինքը ընտանիքի հետ օրերով տխրել է, բայց հիմա այլ է լինելու։
Մեսսին կարծիք է հայտնել, որ այդ խաղը հավերժ մնալու է պատմության մեջ, քանի որ իրենք Բրազիլիային հաղթել են իրենց իսկ հարկի տակ։
Հիշեցնենք, որ երեկ Արգենտինան Կոպա Ամերիկայի եզրափակչում նվազագույն 1-0 հաշվով հաղթեց Բրազիլիային՝ «Մարականա» մարզադաշտում։