Հունգարիա- Սերբիա սահմանին երկաթուղային բեռնարկղում Հունգարիայի ոստիկանությունը հայտնաբերել է 38 անօրինական միգրանտ: Այս մասին հայտնում է Ria.ru-ն։
«Հունգարական ոստիկանությունը սահմանային երկաթուղային Կելեբիա կայարանում բեռնարկղում հայտնաբերել է 38 միգրանտների։ Նրանցից երեսունվեցը հայտնել են, որ աֆղանցիներ են, երկուսը՝ էրիթրեյցիներ»,- նշում է աղբյուրը:
Հայտնաբերվածներից միգրանտներից ոչ ոք Հունգարիա այցի փաստաթուղթ չի ունեցել: Ուստի, նրանց ուղարկել են սահմանին գտնվող Տոմպ-Կելեբիայի ընդունման կենտրոն։