Տվերի մարզում ինքնաթիռ է կործանվել: Ռոսավիացիան հայտարարել է, որ ուղևորների շարքում եղել է «Վագների» առաջնորդ Եվգենի Պրիգոժինը։
Ինքնաթիռը կործանվել է չորեքշաբթի՝ օգոստոսի 23-ին, Տվերի մարզի Բոլոգովսկի շրջանում։ Այս մասին հայտնում է «Իզվեստիա»-ն:
Հրապարակվել են դեպքի տեսագրությունները։ Դրանցում ցուցադրվում է ինքնաթիռի անկումը և հրդեհը, որը տեղի է ունեցել կործանումից հետո։
Նախնական տեղեկություններով դեպքը տեղի է ունեցել ժամը 18:30-ին։ Embraer Legacy մասնավոր ինքնաթիռը կործանվել է Կուժենկինոյի մերձակայքում՝ Մոսկվայից Սանկտ Պետերբուրգ չվերթ կատարելիս։
Ինքնաթիռը վայրէջք կատարելիս կործանվել է։ Զոհվել է 10 անձ։ Տեղի ունեցածի բոլոր մանրամասները ճշտվում են։
