Երկու շաբաթից ավելի գել լաքը կրելիս եղունգները կարող են սկսել կոտրվել կամ դրանց մեջ կարող է բորբոս առաջանալ, հայտնում է Մարգարիտա Մակարովան։
«Արհեստական ծածկույթը հեռացնելիս եղունգի սթրեսային գոտին տեղաշարժվում է, ուստի մեծ է հավանականությունը, որ կարող եք վնասել ձեր բնական եղունգը: Մեկ այլ պատճառ, թե ինչու չպետք է գել լաքը կրել ավելի քան երկու շաբաթ, այն է, որ նորից աճեցված եղունգի մեջ շերտավորումներ են և օդային գրպաններ են հայտնվում, որտեղ խոնավ միջավայրը կարող է պաթոգեն միկրոֆլորայի զարգացման հանգեցնել»,- ասել է նա «Գազետա»-ին։
Բացի այդ, ալերգիկ ռեակցիաներով մարդիկ հարկ է ուշադիր լինեն գել լաքի նկատմամբ։ Մասնագետը խորհուրդ է տալիս գել լաք չքսել գրգռված ձեռքերով կամ եղունգի շուրջ մաշկին վերքերով հաճախորդներին:
Մակարովայի խոսքով՝ եթե եղունգը թուլանում է, այն շերտավորվում և փափկում է, պետք է ընդմիջել կամ օգտվել հատուկ նյութերով եղունգները ամրացնելու ծառայություններից։