Բացվել է Լյուսի Լետբիի գործով առանցքային վկա, բժիշկ Մարկ Դիկինի մահվան հետաքննությունը

Չեշիրի ավագ դատաբժշկական փորձագետ Ժակլին Դևոնիշը պաշտոնապես բացել է բժիշկ Մարկ Դիկինի մահվան հետաքննությունը։ 53-ամյա մանկաբույժը, ով ավելի վաղ Լյուսի Լետբիի դատավարության ընթացքում ստացել էր ցմահ անանունության իրավունք, մահացել է հուլիսի 3-ին՝ հիվանդանոցում, հայտնում է AOL-ը։

Չեշիրի դատարանում կայացած լսումների ժամանակ հայտարարվել է, որ մահվան հանգամանքները համարվում են «ոչ բնական», ինչն էլ հիմք է հանդիսացել դատական հետաքննություն սկսելու համար, փոխանցում է BBC-ն։ Նախնական լսումները նշանակված են հունվարի 22-ին, իսկ ամբողջական հետաքննությունը՝ 2027 թվականի փետրվարի 23-24-ը։

Բժիշկ Դիկինը առանցքային դերակատարում ուներ Լյուսի Լետբիի գործում։ Լետբին, ով ցմահ ազատազրկման է դատապարտվել յոթ նորածինների սպանության համար, դատարանում Դիկինին անվանել էր «վստահելի ընկեր»։ Դիկինը հետագայում «Թիրլուոլ» հետաքննությանը հայտնել էր, որ ինքը «մոլորության մեջ է գցվել» Լետբիի կողմից՝ նրան զոհերի վերաբերյալ տեղեկություններ տրամադրելու հարցում։

Մահվանից մեկ օր առաջ՝ հունիսի 23-ին, Դիկինը հեռացվել էր աշխատանքից՝ ծանր կարգապահական խախտումների պատճառով։ Նրա դեմ բողոք էր ներկայացրել Լետբիի զոհերից մեկի մայրը՝ մեղադրելով նրան գաղտնի տեղեկատվություն փոխանցելու մեջ։