Ինտերը բանակցում է Նդոմբելեի տրանսֆերի շուրջ

Իտալական «Ինտերի» ուշադրության կենտրոնում է հայտնվել «Տոտենհեմի» ֆուտբոլիստ Տանգի Նդոմբելեն։

Այս մասին հայտնում է լրագրող Ջանլուկա Դի Մարցիով։ Ըստ նրա՝ միլանյան ակումբն արդեն սկսել է բանակցությունները։

Միաժամանակ, 23-ամյա կիսապաշտպանը ավելի վաղ անգլիական ակումբի գլխավոր մարզիչ Ջոզե Մոուրինյոյին հայտնել է, որ չի ցանկանում շարունակել թիմում աշխատանքը պորտուգալացի մասնագետի ղեկավարության ներքո։

Նշվում է նաև, որ «Ինտերը» Նդոմբելեի տրանսֆերում պատրաստ է ներառել ակումբի պաշտպան Միլան Շրինյարին։