Քաղաքական բևեռացումը հաճախ կապվում է գաղափարախոսական կոշտության և անորոշության հանդուրժողականության պակասի հետ, սակայն այս երևույթի կենսաբանական մեխանիզմները մինչ այժմ մնացել էին անհայտ։ Բրաուն համալսարանի հետազոտությունը բացահայտում է, որ անորոշության հանդուրժողականության պակասը խթանում է քաղաքական բևեռացումը՝ նեյրոնային համաժամացման միջոցով, ինչը տեղի է ունենում համակարծիք մարդկանց մոտ։ Լիբերալներն ու կոնսերվատորները, ովքեր դժվարանում են հանդուրժել անորոշությունը, ցույց են տալիս ուղեղի ավելի ուժեղ համաժամացում՝ քաղաքական բևեռացնող բովանդակություն դիտելիս։
44 մասնակիցների ուղեղի ակտիվության ֆունկցիոնալ մագնիսառեզոնանսային (fMRI) վերլուծությունը ցույց տվեց, որ թե՛ լիբերալների, թե՛ կոնսերվատորների ուղեղներում նեյրոնային պատասխանները համաժամացվում են համակարծիք խմբի մյուս մասնակիցների հետ, երբ նրանք դիտում էին քաղաքական թեմաներով վեճեր կամ լարված տեսանյութեր։ Անորոշության հանդուրժողականության պակաս ունեցող մասնակիցների մոտ այս բևեռացումը առավել ընդգծված էր՝ հանգեցնելով բևեռացված ընկալումների։
Հետաքրքիր է, որ բևեռացման այս ազդեցությունը բացակայում էր ոչ քաղաքական կամ չեզոք ներկայացված բովանդակություն դիտելիս։ Սա վկայում է, որ «լիբերալ և կոնսերվատիվ ուղեղներ» հասկացությունը ոչ թե կայուն տարբերություն է, այլ կախված է հատուկ բևեռացնող նյութից։ Այս փաստը կարող է մեծ հույս տալ՝ նվազեցնելու բևեռացումը՝ նպատակային հաղորդակցության միջոցով։
Հետազոտությունը կարևորում է, որ բևեռացումը ոչ միայն գաղափարախոսական տարաձայնությունների արդյունք է, այլև ազդում է ճանաչողական հատկանիշներից, ինչպիսիք են անորոշության հանդուրժողականությունը։ Այս բացահայտումները կարևոր ուղղություն են առաջարկում՝ հաղթահարելու գաղափարախոսական բաժանումներն ու խթանելու փոխըմբռնումը։ Հետազոտությունը հրապարակվել է Ազգային Գիտությունների Ակադեմիայի Աշխատություններ (Proceedings of the National Academy of Sciences) գիտական ամսագրում՝ առաջ բերելով նոր հայացք քաղաքական նեյրոգիտության և հասարակական խնդիրների հասկացման մեջ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
