Իրանի արտաքին գործերի նախարար Աբբաս Արաքչին այս շաբաթ կուղևորվի Փարիզ՝ իր ֆրանսիացի գործընկեր Ժան-Նոել Բարոյի հետ բանակցությունների համար։ Այդ մասին հայտնել է Իրանի արտաքին գործերի նախարարության ներկայացուցիչ Էսմայիլ Բաղային։ Նրա խոսքով՝ այցը կկայանա Ֆրանսիայի ԱԳ նախարարի հրավերով, և բանակցությունների օրակարգում կլինեն միայն երկկողմ հարաբերությունների հարցեր, ներառյալ՝ բանտարկյալների փոխանակումը։
Արտգործնախարարության խոսնակն ընդգծել է, որ հանդիպումները կարևոր հարթակ կդառնան Իրանի դիրքորոշումները ներկայացնելու համար։ Նա նաև նշել է, որ այցը տեղի կունենա Նիդեռլանդներում Քիմիական զենքի արգելման կազմակերպության տարեկան հանդիպմանը մասնակցելուց հետո։ Օրակարգում կլինեն նաև տարածաշրջանային և միջազգային հարցեր, ներառյալ՝ Մահդիե Էսֆանդիարիի գործը։
Նոյեմբերի 16-ին Իրանի ԱԳ նախարարի տեղակալ Սայիդ Խաթիբզադեն հայտարարել էր, որ «եվրաեռյակի» երկրների հետ բանակցությունները Իրանի միջուկային ծրագրի շուրջ առաջիկայում բացառված են։ Այս այցը, սակայն, նպատակ ունի ամրապնդել երկկողմ հարաբերությունները և քննարկել փոխադարձ հետաքրքրության հարցեր։