Իրանում շարունակվող բողոքի ցույցերի ընթացքում մահացել է հայազգի երիտասարդ Էջմին Մասիհին, ով բնակվում էր Մաջիդիե թաղամասում։ Այս մասին տեղեկություններ են տարածել NEWS.am-ի աղբյուրները, սակայն մահվան հանգամանքները դեռևս պարզ չեն։ Բացի այդ, հաղորդվում է, որ ևս երեք հայ վիրավոր են, սակայն այս տեղեկությունը դեռևս չի հաստատվել։
Իրանում հիպերինֆլյացիայի և ռիալի փոխարժեքի անկման պատճառով սկսված ցույցերը շարունակվում են արդեն 2 շաբաթ։ Ցուցարարները դուրս են եկել Թեհրանի և այլ խոշոր քաղաքների փողոցներ, պահանջելով իրենց իրավունքների պաշտպանության։ Կառավարական ուժերի հետ բախումների արդյունքում կան հարյուրավոր զոհեր։