Իռլանդիայի կառավարությունը բանակին պատրաստ վիճակի է բերել երկրում վառելիքի գների դեմ բողոքի ակցիաները ճնշելու համար։ Չորս օր շարունակվող ցույցերի հետևանքով արգելափակվել են խոշոր ճանապարհներ և վառելիքի պահեստներ, ինչը հանգեցրել է ավելի քան 100 լցակայաններում վառելիքի սպառմանը։ Վարչապետ Միխոլ Մարտինը հայտարարել է, որ ցուցարարների գործողությունները վտանգում են երկրի տնտեսությունը և հասարակական կարգը՝ հավելելով, որ օրենքը պետք է պահպանվի։
Միաժամանակ, Եվրոպայի օդանավակայանները զգուշացրել են Եվրամիությանը, որ Հորմուզի նեղուցի շրջափակման պատճառով ավիավառելիքի համակարգային պակաս է սպառնում, ինչը կարող է խաթարել ամառային թռիչքների ժամանակացույցը։ Նմանատիպ բողոքի ակցիաներ են տեղի ունենում նաև Նորվեգիայում, իսկ Ֆրանսիան արդեն թույլատրել է վառելիք տեղափոխող մեքենաների երթևեկությունը հանգստյան օրերին՝ մատակարարումների ընդհատումներից խուսափելու համար։ ԱՄՆ-ում ևս արձանագրվել է գնաճի կտրուկ աճ, որը հիմնականում պայմանավորված է վառելիքի գների բարձրացմամբ՝ Մերձավոր Արևելքում շարունակվող հակամարտության ֆոնին։