Երևանի քաղաքապետարանից հայտնել են, որ վաղվանից նոր ավտոբուսների ու միկրոավտոբուսների վարորդներն իրենց մոտ որոշակի քանակով մանրադրամ կունենան։
Այս մասին տեղեկանում ենք Քաղաքապետարանի Facebook-ի էջում կատարված գրառումից։
«Հաշվի առնելով քաղաքային տրանսպորտում 100 դրամանոց մետաղադրամների մեծ պահանջարկը` երկուշաբթի օրվանից համայնքային բոլոր նոր ավտոբուսների և միկրոավտոբուսների վարորդներն իրենց մոտ կունենան որոշակի քանակությամբ մանրադրամ:
Երևանի քաղաքապետի հանձնարարությամբ, խնդիրը որոշակիորեն լուծելու համար այլընտրանքային այս մոտեցումը կկիրառվի` մինչև միասնական տոմսային համակարգին ամբողջական անցումը», – ասված է գրառման մեջ:
