Իսրայելի ավիահարվածները Թեհրանում՝ նախագահական նստավայրին և Անվտանգության խորհրդին

Իսրայելի պաշտպանության բանակը գիշերը հարվածներ է հասցրել Իրանի նախագահի նստավայրին և Ազգային անվտանգության խորհրդի շենքին, որոնք գտնվում են Թեհրանում։ Ռազմաօդային ուժերի հայտարարության համաձայն՝ հարվածները ուղղված էին իրանական ռեժիմի ղեկավարության համալիրի կարևոր օբյեկտներին։ Իսրայելի պաշտպանության նախարար Իսրայել Կացը նշել է, որ ռազմաօդային ուժերը «զգալի ուժով» են հարվածել Թեհրանում գտնվող թիրախներին և պատրաստ են շարունակել գործողությունները այնքան ժամանակ, որքան անհրաժեշտ է։ Նա ընդգծել է, որ Իսրայելը նպատակ ունի «նվազեցնել» Իրանի հրթիռային կարողությունները և կանխել ապագայում հնարավոր հարձակումները։