2024 թվականի առաջին կիսամյակում Ադրբեջանից իսրայելական նավթի ներմուծումն աճել է 55%-ով։ Ներմուծումը կազմել է 1,583 միլիոն տոննա՝ մոտ 989 միլիոն դոլարի, գրում է իսրայելական Globes կայքը։
Չնայած Գազայի հատվածում պատերազմին և Բաքու-Թբիլիսի-Ջեյհան խողովակաշարով ադրբեջանական նավթի արտահանմանը Իսրայել, որի վերջում նավթը լցանավներով հասցվում է Թուրքիայից դեպի Հայֆա նավահանգիստ։ Նախորդ տարվա առաջին կիսամյակում Իսրայելը ադրբեջանական նավթի արտահանման աղյուսակից երրորդ հորիզոնականից բարձրացել է՝ զբաղեցնելով երկրորդ հորիզոնականը։ Ընդհանուր առմամբ, հունվար-հունիսին Իսրայելին բաժին է ընկել Ադրբեջանի նավթի արտահանման 14%-ը։ Ադրբեջանը Ղազախստանի հետ միասին Իսրայելին նավթի կարևոր մատակարար է:
Պատճառը, որ Թուրքիան չի վնասում Իսրայելին մատակարարումները, բխում է ոչ թե Իսրայելի, այլ Բաքվի շահերից։ Ադրբեջանի նախագահ Իլհամ Ալիևը հիանալի հարաբերություններ ունի Իսրայելի վարչապետ Բենիամին Նեթանյահուի հետ, բայց նույնքան լավ հարաբերություններ ունի Թուրքիայի նախագահ Էրդողանի հետ, որը չի ցանկանում գործողություններ ձեռնարկել, քանի որ դրանք ուղղակիորեն կվնասեն Ալիևի շահերին:
Ուշագրավ փաստ է, որ Թուրքիան ինքը, ի տարբերություն Իսրայելի, ադրբեջանական նավթի խոշոր գնորդ չէ։ Թուրքիան զբաղեցնում է ընդամենը 13-րդ հորիզոնականը՝ մոտ 240 հազար տոննա նավթի պաշարներով։ Այսինքն՝ Անկարայի ու Բաքվի բոլոր կապերով հանդերձ Իսրայելը Թուրքիայի համեմատ Ադրբեջանից 6,5 անգամ ավելի շատ նավթ է ներկրում։
![](https://azat.tv/wp-content/uploads/2022/09/azattvlogoblack.png)