Ջերմուկի ավագանին դեմ եղավ նախարարության առաջարկին

hetq.am -ի փոխանցմամբ՝ Ջերմուկի ավագանու նիստին ներկա բոլոր վեց անդամները դեմ քվեարկեցին «Ջերմուկ համայնքը էկո-տնտեսական տարածք դարձնելու և համայնքում մետաղական հանքարդյունաբերությունը արգելելու» վերաբերյալ ուժը կորցրած ճանաչելու որոշման նախագծին:

Նշենք, որ Ջերմուկի ավագանին այսօր արտահերթ նիստ էր գումարել, որպեսզի ուժը կորցրած ճանաչի 2018 թվականի դեկտեմբերի 18-ին ընդունված որոշումը, որով արգելվում է Ջերմուկում մետաղական հանքեր շահագործել: Նման որոշման նախագծի առիթ էր դարձել Ամուլսարի շահագործման դեմ ամիսներ շարունակ տարվող պայքարը:

Ինչպես «Հետք»-ի հետ զրույցում հայտնեց Ջերմուկի ավագանու անդամ Հասմիկ Սարգսյանը, որոշումը ուժը կորցրած ճանաչելու առաջարկ երեկ համայնքապետարան է ուղարկել տարածքային կառավարման և զարգացման նախարարությունը:

Նրա փոխանցմամբ՝ նախարարությունը որոշումն ուժը կորցրած ճանաչելու առաջարկություն ներկայացրել է այն հիմնավորմամբ, որ որոշումը թերի է, դրան կցված չէ հանրագիրը:

Ավագանու նիստի տեսագրությունը ստորև՝

https://www.facebook.com/100010197097701/videos/815445662138663/