«Միլանի» և Ֆրանսիայի հավաքականի հարձակվող Օլիվյե Ժիրուն աճուրդի է հանել 2022 թվականի Ֆուտբոլի աշխարհի առաջնության քառորդ եզրափակչում Անգլիայի նկատմամբ Ֆրանսիայի տարած հաղթանակի մարզաշապիկը (Ժիրուի գոլը 78-րդ րոպեին):
Շապիկի վաճառքից ստացված հասույթը կտրամադրվի Espoir pour l’Arménie (Հույս Հայաստանի համար) կազմակերպությանը՝ ի աջակցություն ադրբեջանական շրջափակման մեջ գտնվող Լեռնային Ղարաբաղի հայերի։
