Ղազախական «Ժետիսուն» Թուրքիայի ուսումնամարզական հավաքի շրջանակում ընկերական հանդիպում է անցկացրել ռուսական «Շիննիկի» հետ և 3:0 հաշվով հաղթանակ է տարել:
Հայաստանի ազգային հավաքականի պաշտպան Կամո Հովհաննիսյանը, որը հանդես է գալիս «Ժետիսուի» կազմում, մասնակցել է հանդիպման առաջին կեսին:
Իսկ «Շիննիկի» հայազգի հարձակվող Իշխան Գելոյանն իր թիմի մեկնարկային կազմում է եղել, սակայն փոխարինվել է 60-րդ րոպեին:
«Ժետիսուի» ուսումնամարզական հավաքը կտևի մինչև փետրվարի 12-ը: Այդ ընթացքում թիմը ևս 2 ստուգողական հանդիպում կանցկացնի` մրցելով Տուլայի «Արսենալի» և Սլովակիան ներկայացնող «Սենիցայի» հետ:
Ղազախստանի 2018 թվականի առաջնությունը «Ժետիսուն» ավարտել է մրցաշարային աղյուսակի 6-րդ հորիզոնականում: Կամո Հովհաննիսյանն իր թիմի կազմում մասնակցել է 31 հանդիպման և դարձել 1 գոլի հեղինակ:
հաղորդում է armsport.am-ը։