«Բարսելոնայի» կիսապաշտպան Սերխիո Բուսկետսը կարող է միանալ Սաուդյան Արաբիայի «Ալ Նասրին»: Այս մասին հայտնում է Mundo Deportivo-ն։
Աղբյուրի համաձայն՝ «Ալ-Նասրը» պատրաստվում է ձեռք բերել Բուսկետսին արդեն ձմեռային տրանսֆերային պատուհանի ժամանակ։ Իսպանիայի հավաքականի նախկին կիսապաշտպանի նկատմամբ հետաքրքրությունը պայմանավորված է կատալոնական ակումբում խաղացողի անորոշ ապագայով, որի հետ նրա պայմանագիրն ավարտվում է 2023 թվականի ամռանը։
Ֆուտբոլիստը դեռ չի կողմնորոշվել իր ապագայի հարցում, չնայած «Ալ-Նասրն» ավելի լավ պայմաններ է առաջարկում, քան «Բարսելոնան»։
Ավելի վաղ հաղորդվում էր, որ ՊՍԺ-ի պաշտպան Սերխիո Ռամոսը և ՄՅՈւ-ի նախկին հարձակվող Կրիշտիանու Ռոնալդուն նույնպես կարող են տեղափոխվել «Ալ-Նասր»։
ԽՈՐՀՈւՐԴ Է ՏՐՎՈւՄ ԿԱՐԴԱԼ
