Կատալոնիան խստացնում է ծխելու մասին օրենքը

Ամենադիտվածներ

Կատալոնիայի իշխանությունները կխստացնեն ծխելու մասին օրենքը. ծխախոտի օգտագործումը կարգելվի անձնական ավտոմեքենաներում, ինչպես նաև բաց սպորտային մարզադաշտերում և տրանսպորտի կանգառներում: Ակնկալվում է, որ նոր կանոնները ուժի մեջ կմտնեն մեկ տարի անց: Այս մասին հաղորդում է «Եվրոպուլս»-ը:

Արգելքը կտարածվի ոչ միայն սովորական, այլ նաև էլեկտրոնային ծխախոտերի և Iqos-ի նման ծխախոտի տաքացման համակարգի վրա:

Կանոնների խստացումն, առաջին հերթին, կապված է Կատալոնիայում ծխողների թվի ավելացման հետ: 2017 թվականին ծխում էր կատալոնացիների 24 տոկոսը: Սակայն 2018 թվականին նրանց թիվն աճել է՝ հասնելով 25.6 տոկոսի:

Եվրոպայի մյուս երկրներում ևս սահմանվում են ավելի խիստ միջոցներ ծխելու դեմ. վերջին 3 տարիների ընթացքում հակածխախոտային օրենսդրությունը խստացվել է ԵՄ բոլոր երկրներում: Ամենատարածված միջոցառումները վերաբերում են հասարակական վայրերում ծխելու արգելքին և ծխախոտային արտադրանքի համար նոր ակցիզների կիրառմանը ծխախոտը պակաս հասանելի դարձնելու համար:

Ամենաթարմ