Ռուսաստանում կորոնավիրուսի տարածումը կանխելու համար անցել են արտակարգ դրության։
ՌԴ նախագահ Վլադիմիր Պուտինը երեկ տեսաուղերձով հայտարարել է, որ ոչ աշխատանքային օրերը կշարունակվեն մինչև ապրիլի 30-ը։
Այսօր Պուտինը օրենք է ստորագրել՝ ըսր որի իրականացվելու է դեղերի առցացնց վաճառք։ Օրենքի շնորհիվ արտակարգ դրության պայմաններում մարդիկ կկարողանան առանց տնից դուրս գալու գնել անհրաժեշտ դեղորայք՝ դեղատոմսով նշանակված կերպով։
Այս ամենին զուգահեռ արգելվում է հոգեմետ դեղերի, թմրամիջոցների, ինչպես նաև 25 տոկոսից բարձր էթիլային սպիրտի պարունակությամբ դեղամիջոցների առցանց վաճառքը:
Մինչև օրենքի ընդունումը դեղագործական ընկերությունները հաճախորդներին առաջարկել էին միայն առցանց ամրագրելու ծառայությունը՝ մոտակա դեղատնից վերցնելու հնարավորությամբ:
Փաստաթղթի հեղինակները հայտնել են, որ այս որոշումը անհրաժեշտ էր ինքնամեկուսացման ռեժիմի պայմաններում: Օրենքը քրոնիկ հիվանդություններով մարդկանց, թոշակառուներին թույլ կտա առանց տնից դուրս գալու ստանալ անհրաժեշտ դեղամիջոցները:
Օրենքն ուժի մեջ է մտնում հրապարակման պահից:
Կորոնավիրուսի տարածման համաշխարհային վիճակագրությանը իրական ժամանակում կարող եք հետևել այս էջում՝ azat.tv/coronavirus, իսկ ախտանիշների և պաշտպանվելու հիմնական միջոցառումների մասին՝ կարդալ այստեղ։
Աղբյուրը՝ RIA Novosti․