Կառավարությունն այսօր հաստատեց ՀՀ Հարկային օրենսգրքում էլեկտրոնային ծառայությունների մասով փոփոխության նախագիծը, ըստ որի՝ այսուհետ կհարկվեն նաև էլեկտրոնային հարթակներում տեղադրվող գովազդները, որոնք մատուցվում են ֆիզիկական անձանց (իրավաբանական անձանց դեպքում կարգավորում արդեն գործում է)։
Նշվում է, որ Հարկային օրենսգրքում ավելացվում է «էլեկտրոնային ծառայություն» հասկացությունը։
ՀՀ ՊԵԿ նորանշանակ նախագահ Ռուստամ Բադասյանն ասաց, որ Հարկային օրենսգրքում այս կարգավորման բացակայությունը հանգեցնում էր պետական բյուջեի եկամուտների կորստի։ Նա նշեց, որ հարկումը վերաբերվում է նաև համացանցի միջոցով գովազդներին։
