«Լիվերպուլի» գլխավոր մարզիչ Յուրգեն Կլոպը խոստովանել է, որ երբեք հաճույք չի ստանում չեմպիոնական պայքարից:
«Կարո՞ղ եմ արդյոք բավականություն ստանալ չեմպիոնական պայքարից: Երբե՛ք: Դա իհարկե աշխարհի ամենամեծ սթրեսը չէ, բայց այնքան ինտենսիվ է ու այնքան կարևոր:
Ֆուտբոլն ամենակարևոր բանը չէ, բայց այսպիսի պահերին, երբ մի քանի ակումբներ ձգտում են չեմպիոնությանը, իհարկե, հենց այդպես էլ թվում է:
Հեշտ չէ հաճույք ստանալ չեմպիոնական մրցավազքից, բայց ես սիրում եմ այն, ինչով զբաղվում եմ»,- «կարմիրների» գերմանացի մարզչի խոսքերն է փոխանցում BBC-ն:
Հիշեցնենք՝ «Լիվերպուլը» 60 միավորով գլխավորում է մրցաշարային աղյուսակը, իսկ հիմնական մրցակից «Մանչեսթեր Սիթին» երեկ պարտություն կրեց «Նյուքասլից» և 56 միավորով երկրորդ տեղում է:
Մերսիսայդցիները մեկ խաղ պակաս են անցկացրել:
Հաղորդում է armsport.am-ը։
