Հարավային Կովկասում Եվրամիության հատուկ ներկայացուցիչ Տոյվո Կլաարն ամփոփել է նոյեմբերի 25-ին Բաքվում Ադրբեջանի նախագահ Իլհամ Ալիևի հետ հանդիպումը: Թվիրթերի իր միկրոբլոգում արած գրառման մեջ նա բարձր է գնահատել բանակցությունների անցկացման՝ ԵՄ առաջարկած ձևաչափին Ալիևի հավատարմությունը:
Կլաարի գնահատմամբ` դեռ չլուծված շատ խնդիրներ կան: Նա կոչ է արել Հայաստանին և Ադրբեջանին զսպվածություն և ուժեղ քաղաքական կամք դրսևորել՝ թուլացնելու լարվածությունը և հասնելու համապարփակ կարգավորման:
