ՌԴ-ում տղամարդը մտել է մանկապարտեզ և կրակել երեխաների և դայակի վրա. կան զոհեր

Ուլյանովսկի մերձակայքում գտնվող մանկապարտեզում զինված տղամարդը կրակ է բացել. Interfax-ի փոխանցմամբ՝ զոհվել են երկու երեխա և մեկ բուժքույր։ Դրանից հետո հարձակվողն ինքնասպան է եղել։

Չճշտված տեղեկությունների համաձայն՝ միջադեպը տեղի է ունեցել Վեյշկամա բանվորական բնակավայրում։ Արտակարգ դեպքի պահին մանկապարտեզում «հանգստի ժամ» է եղել։ Նախնական տվյալներով՝ տղամարդը կրակել է խորհրդային ԻԺ-27 որսորդական երկփողանի հրացանից։

Դեպքի մասին տեղեկություն իրավապահ մարմինները դեռ չեն տրամադրել։