Ստոկհոլմում միմյանց հետ հանդիպում են ունեցել Ռուսաստանի արտգործնախարար Սերգեյ Լավրովն ու ԱՄՆ պետքարտուղար Էնթոնի Բլինքենը։
Ինչպես հայտնում է Bloomberg-ը՝ հղում անելով իր անանուն աղբյուրներին, հանդիպումը հարթ չի անցել ու Ուկրաինայի շուրջ խոսակցության ժամանակ վիճաբանություն է ծագել։
Ամեն ինչ սկսվել է այն բանից հետո, երբ սկսվել է քննարկվել ռուսական ագրեսիայի դեպքում Արևմուտքի հնարավոր քայլերը, այդ թվում՝ պատժամիջոցները։
Խոսակցության ընթացքում Լավրովն էլ իր հերթին է մեղադրել Արևմուտքին՝ 2014 թվականին Կիևում պետական հեղաշրջում կատարելու մեջ, ինչին ի պատասխան Բլինքենն էլ ասել է, որ Յանուկովիչին հավատարիմ ուժերը կրակել են խաղաղ ցուցարարների վրա ու սպանել 100-ից ավել մարդ։
Նշենք նաև, որ ռուսական կողմը մի քանի անգամ հերքել է այն լուրը, որ Ռուսաստանը Ուկրաինայի հետ սահմանին մեծաթիվ զորք է տեղակայում։ Միևնույն ժամանակ, Ուկրաինայից հայտարարել են, որ Ռուսաստանը 2022-ի ձմռանը նախատեսվում է հարձակում գործել Ուկրաինայի սահմանին։ Օրերս լուրեր տարածվեց, որ ԱՄՆ հետախուզությունը նույնպես եկել է եզրակացության, որ Ռուսաստանը հարձակվելու է ու դա լինելու է առաջիկա շաբաթներին։