Լեհաստանի սեյմը՝ պառլամենտի ստորին պալատը, ձայների մեծամասնությամբ հավանություն է տվել իշխող պահպանողական կուսակցության մի նախագծի: Ըստ նախագծի՝ մինչև 26 տարեկան աշխատողները ազատվում են եկամտահարկից։
Օրինագծի նպատակն է կանխել երիտասարդների արտագաղթը դեպի ԵՄ այլ երկրներ։
Ըստ դրա՝ 18 տոկոս եկամտահարկից ազատվում են մինչև 26 տարեկան այն աշխատող երիտասարդները, որոնց տարեկան եկամուտը չի գերազանցում 22,500 ԱՄՆ դոլարը։