ՌԴ գլխավոր դատախազ Իգոր Կրասնովը նշել է Հայաստանի, Ադրբեջանի և Ռուսաստանի դատախազությունների դերը Լեռնային Ղարաբաղում էսկալացիա թույլ չտալու հարցում: Հունիսի 16-ին նա աշխատանքային հանդիպում է անցկացրել Հայաստանի գլխավոր դատախազ Արթուր Դավթյանի հետ, որը ժամանել է մասնակցելու Պետերբուրգի XXV միջազգային տնտեսական համաժողովին։ Այս մասին հաղորդել են Ռուսաստանի գլխավոր դատախազության մամուլի ծառայությունում։
«Եռակողմ ձևաչափով Ադրբեջանի պաշտոնակիցների հետ համատեղ մենք քիչ ջանքեր չենք գործադրել այդ տարածաշրջանում խաղաղության վերականգնման, տեղի բնակչության շրջանում լարվածության էսկալացիա թույլ չտալու ուղղությամբ»,- հայտնել է Ռուսաստանի գլխավոր դատախազը, որի խոսքը մեջբերել են մամուլի ծառայությունում:
Իգոր Կրասնովը հայտարարել է ըստ ամենայնի աջակցություն ցույց տալու, այդ թվում՝ տեղեկատվության փոխանակման և կատարված խախտումների մասին նախազգուշացումների հաղորդման՝ Լեռնային Ղարաբաղում տեղաբաշխված ռուսաստանցի զինվորական դատախազների պատրաստակամության մասին: