Ուրբաթ Ֆրանսիայի նախագահ Էմանուել Մակրոնը հայտնել է, որ մտադիր է առաջարկել «յոթյակի» երկրներին, որ Բիարիցում կայանալիք գագաթնաժողովի ժամանակ համագործակցության համաձայնագիր կնքեն կանանց նկատմամբ խտրականությունը վերացնելու նպատակով: Այս մասին հաղորդում է TACC-ը:
Համագործակցության մասին համաձայնագրի շրջանակում «Մեծ յոթյակի» երկրները և մի շարք գործընկերները, մասնավորապես, աֆրիկյան պետություններն ու իրապես ժողովրդավար երկրները, կարող են պարտավորվել վերացնել կանանց նկատմամբ խտրականության գոյություն ունեցող դրսևորումները, օրինակ, ընդունել նոր օրենքներ և պայքարել կանանց նոր իրավունքների և նրանց կարգավիճակը բարելավելու համար:
Այդ կապակցությամբ նա տեղեկացրել է, որ ֆրանսիական պետությունը առաջիկա ամիսներին միջոցներ կձեռնարկի, այդ թվում՝ օրենսդրական բնույթի, կանանց տնտեսական ինքնուրույնությունն ամրապնդելու համար:
«Դեռևս կան ոլորտներ, որոնցում Ֆրանսիան գտնվում է գոյություն ունեցող համաշխարհային չափանիշներից ցածր մակարդակում: Կան խնդիրներ, որոնց շուրջ պետք է բարելավել իրավիճակը»,-խոստովանել է Ֆրանսիայի առաջնորդը:
Ինչպես բազմիցս շեշտել են երկրի իրավապաշտպան կազմակերպությունները, Ֆրանսիայում կանանց աշխատավարձը մի շարք բնագավառներում 20-25 տոկոսով պակաս է՝ ի տարբերություն տղամարդկանց: