Մահացել է «Queen» խմբի առաջին բաս-կիթառահար Մայք Գրոուզը: Այս մասին հայտնել է խմբի թմբկահար Ռոջեր Թեյլորը: Նա գրառում է կատարել ֆեյսբուքյան իր պաշտոնական էջում:
«Շատ տխուր եմ տեղեկանալով երկար տարիների ընկերոջս՝ Մայք Գրոուզի մասին, որին առաջին անգամ տեսել եմ «The Individuals» խմբում, երբ մենք երկուսս էլ դպրոցական էինք: Նա միշտ հիանալի էր նվագում»,- գրել է նա:
Գրոուզի կյանքի մասին քիչ բան է հայտնի: Նա 70-ականներին է դարձել խմբի անդամ: Նրան հրավիրել հենց Թեյլորը: Շատ կարճ ժամանակ է նվագել այնտեղ՝ ընդամենը մի քանի ամիս: Ելույթ է ունեցել առաջին 3 համերգների ժամանակ:
Տեղեկություններ կան, որ հեռացել է «Queen»-ից Թեյլորի ու Ֆրեդի Մերկուրիի միջև եղած խնդիրների պատճառով: Գնալուց հետո նրա երաժշտական կարիերան այնքան էլ լավ չի ընթացել: Նա փոքր բիզնես է հիմնել ու զբաղվել դրանով:
Գրոուզի իսկական տարիքի մասին ոչինչ հայտնի չէ: Հարցազրույցներում նա թաքցրել է այդ տեղեկությունը: «Queen»-ի երկրպագուները կարծում են, որ խմբին միանալիս նա մոտ 22 տարեկան է եղել:
Աղբյուրը՝ armtimes.com