UFC խառը մենամարտերի չեմպիոն, ռուսաստանցի մարզիկ Խաբիբ Նուրմագոմեդովի հայրը մահացել է:
Այս մասին հայտնել է Չեչնիայի նախագահ Ռամզան Կադիրովը:
«Բարեկամներ, ինձ տխուր լուրեր են հասել այն մասին, որ այս աշխարհը լքել է Աբդուլմանապ Նուրմագոմեդովը: Ամբողջ չեչեն ազգի անունից անկեղծ ցավակցություններ եմ հայտնում նրա ընտանիքին: Նա հեռացավ մեզնից` իրենից հետո թողնելով բարի համբավ և աճեցնելով արժանի սերունդ: Այդպիսին է Բարձրյալի կամքը և այդպես էր նախասահմանված»:
Հայտնենք, որ Խաբիբի հոր մահվան պատճառ է դարձել կորոնավիրուսի պանդեմիան: Նա կորոնավիրուսային վարակով հոսպիտալացվել էր մայիսի սկզբին: Ավելի ուշ նրա որդին պատմել էր, որ կորոնավիրուսն արդեն անցյալում է, սակայն բարդություններ են սկսվել երիկամների և սրտի հետ կապված:
Այս մասին տեղեկացնում է «ՌԻԱ Նովոստի» գործակալությունը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
