Մինսկում ընթացող Եվրոպական երկրորդ խաղերի սամբոյի մրցաշարում մեդալների համար կպայքարեն Հայաստանը ներկայացնող 57 կգ քաշային Մաքսիմ Մանուկյանն ու 82 կգ քաշային Դավիթ Գրիգորյանը:
Դավիթ Գրիգորյանը կիսաեզրափակչում 1։0 հաշվով պարտության է մատնել վրացի Բեսարիոն Բետլուվայի և դուրս եկել եզրափակիչ։ Եզրափակչում Գրիգորյանը հանդես կգա Ռուսաստանի ներկայացուցիչ Անդրեյ Պերեպլյուկի դեմ։
https://www.facebook.com/olypiccomarm/videos/340344063313867/
Մաքսիմ Մանուկյանը կիսաեզրափակչում մրցել է ռուս Խերտեկ Սայանի հետ ու 4։0 հաշվով վստահ հաղթանակ է տարել։ Մանուկյանը կպայքարի բրոնզե մեդալի համար․ նրա մրցակիցը կլինի ադրբեջանցի Մեհման Խալիլովը։
Եզրափակիչ գոտեմարտերը կկայանան այսօր երեկոյան։
