Արգենտինացի հարձակվող Լաուտարո Մարտինեսը կարող է նոր աշխատանքային պայմանագիր ստորագրել Միլանի «Ինտերի» հետ, հայտնում է La Gazzetta dello Sport-ը։
Ինչպես հայտնի է դարձել աղբյուրին, կողմերն արդեն բանակցություններ են վարում։ Գործընթացը լավ է ընթանում, և, հետևաբար, հավանական է, որ նոր գործարք կկնքվի։
Լաուտարոյի և ակումբի միջև նոր պայմանագիրը նախատեսված կլինի մինչև 2028 թվականի կեսերը: Գործարքի պայմաններով Մարտինեսը կդառնա թիմի ամենաբարձր վարձատրվող խաղացողը։
Այս մրցաշրջանում արգենտինացին Ա Սերիայի հինգ խաղում դարձել է 5 գոլի և մեկ գոլային փոխանցման հեղինակ:
