Մայրաքաղաքի վարչական տարածքը ներկայիս տրանսպորտային հոսքերին ակնհայտ չի բավականացնում: Այս մասին տեղեկացնում են Երևանի քաղաքապետարանի պաշտոնական կայքից:
«Մինչ քաղաքային իշխանությունները մշակում են խնդրի լուծման այլընտրանքային տարբերակներ, առկա վիճակն ավելի են բարդացնում չնախատեսված վայրերում անկանոն կայանված մեքենաների վարորդները՝ հաճախ արհամարհելով երթևեկության մյուս մասնակիցներին: Երևույթի դեմ պայքարում հերթական համատեղ ստուգայցն են իրականացրել Երևանի քաղաքապետարանի աշխատակազմի հասարակական կարգի պահպանության ծառայության և ճանապարհային ոստիկանության աշխատակիցները», – նշված է հայտարարության մեջ:
