Մազաթափությունը կանխարգելող բնական միջոցներ

Մազաթափությունն ունի ներքին պատճառներ՝ հիվանդություններ, և արտաքին պատճառներ՝ կլիմա, խնամքի միջոցներ և այլն:

Դեռ վաղ ժամանակներից մարդը մտածել է այնպիսի խառնուրդներ, թուրմեր, որոնք ամրացրել են մազերը:

Այսպիսի մի միջոց է կտավատի սերմերից պատրաստված թուրմը, որը հարուստ է օմեգա 3-ով:

Պատրաստման եղանակը՝ 2 ճաշի գդալ կտավատի սերմի վրա լցնել 1 բաժակ տաք ջուր: Խառնել և թողնել գիշերը թրմվի: Առավոտյան ջուրը կլինի թանձր՝ կիսելի նման: Լցնել ապակե տարայի մեջ և մերսելով քսել գլխամաշկին:

Լվանալ տաք ջրով, այնուհետև ձեր սովորույթով:

Խառնուրդը կարելի է պահել սառնարանում 2 շաբաթ:

Որոշ մարդիկ կարող են կտավատից ունենալ ալերգիա: Մինչև օգտագործելը ձեռքի մաշկի մի փոքր հատվածում քսել, եթե չկարմրեց, քոր չեկավ, ուրեմն խառնուրդն օգտագործեք:

Տնային պայմաններում բնական միջոցներով կարող եք պատրաստել դիմակ մազերի համար, պարբերբար օգտագործելով՝ շաբաթը 2 անգամ։ Մեկ ամսվա ընթացքում կզգաք էֆեկտը:

Խառնուրդի բաղադրիչներն են՝ 1 ձու, 1 հասած բանան, 1 ճաշի գդալ մեղր, 1/2 բաժակ գարեջուր, 1-2 կաթիլ լավանդայի կամ ծիտրոնի (оазмарин) եթերային յուղ։

Պատրաստելու համար բանանը ճզմել, ավելացնել մեղրը և լավ խառնել։ Ավելացնել ձու և գարեջուր, լավ խառնել և կաթեցնել խառնուրդի վրա եթերային յուղը, այնուհետև նորից խառնել:

Ստացված խառնուրդը մերսելով քսել գլխամաշկին և նախօրոք թրջված մազերին 5 րոպե: Ծածկել գլուխը պոլիէթիլենե տոպրակով, վրայից փաթաթել տաք սրբիչ և թողնել 40-60 րոպե: Այնուհետև լվանալ ըստ սովորույթի:

Եթե բաղադրիչներից որևէ մեկից ունեք ալերգիա, խառնուրդը չօգտագործեք:

Եղեք առողջ: