ՀՀ ԱԳ նախարար Արարատ Միրզոյանը հանդիպում է ունեցել Վենետիկի հանձնաժողովի նախագահ Մարտա Կարպատիայի հետ: Այս հանդիպման ընթացքում նախարար Միրզոյանը շնորհավորել է Մարտա Կարպատիային Վենետիկի հանձնաժողովի նախագահի պաշտոնում ընտրվելու կապակցությամբ: Զրուցակիցները քննարկել են Վենետիկի հանձնաժողովի հետ փոխգործակցության հարցեր, որոնք կարևոր են ժողովրդավարության և մարդու իրավունքների պաշտպանության համար:
Երկուստեք գոհունակությամբ ընդգծվել է, որ ներկայիս բարդ պայմաններում իրավունքի գերակայության ապահովումը, մարդու իրավունքների պաշտպանության և իրավական բարեփոխումների ուղղությամբ ձևավորված ակտիվ համագործակցությունը շատ կարևոր է: Նախարար Միրզոյանն ընդգծել է, որ Հայաստանը կարևորում է իրավական տարբեր նախաձեռնությունների առնչությամբ հանձնաժողովի ներդրումը, որը արտահայտվում է խորհրդատվական կարծքիներում: Անդրադարձ է կատարվել նաև թվային հարթակների զարգացման պայմաններում մարդու իրավունքների պաշտպանության հարցում առկա մարտահրավերներին: