«Մանչեսթեր Սիթիի» գլխավոր մարզիչ Պեպ Գվարդիոլան խոսել է ընթացիկ մրցաշրջանում Անգլիայի Պրեմիեր լիգայի տիտղոսը նվաճելու շանսերի մասին։
«Մենք տիտղոս նվաճելու շանսեր ունենք։ Դեռ 18-19 խաղ կա, բայց մենք հինգ միավորով հետ ենք և մեկ խաղ պակաս ենք անցկացրել, ուստի մաթեմատիկորեն դա հնարավոր է։
Ակնհայտ է, որ դա դժվար կլինի անել: Հարցին ավելի կոնկրետ կպատասխանեմ, երբ մրցաշրջանի ավարտին մնա վեց-յոթ հանդիպում: Դրանից հետո ես ձեզ կասեմ, թե արդյոք մենք կարո՞ղ ենք դա անել: Սա իրատեսակա՞ն է: Չգիտեմ: Դեռ երկար ճանապարհ կա անցնելու»,- մարզչի խոսքը մեջբերում է ակումբի պաշտոնական կայքը։