ՊՍԺ-ի հարձակվող Լիոնել Մեսին անդրադարձել է այս տարվա «Ոսկե գնդակի» մրցանակաբաշխությանը, որը կայանալու է նոյեմբերի 29-ին Փարիզի Շատլե թատրոնում:
«Անկեղծ ասած՝ չեմ կարծում, թե կստանամ մրցանակը 7-րդ անգամ: Ինձ համար ամենամեծ պարգևն այն է, որ Արգենտինայի հավաքականի հետ տիտղոս նվաճեցի(Ամերիկայի գավաթը-խմբ.): Այսքան տարի կռվելուց ու պայքարելուց հետո այդ նվաճումը լավագույնն էր: Եթե ես արժանանամ «Ոսկե գնդակին», արտառոց կլինի, քանի որ կստացվի՝ ստանում եմ ևս մեկը: Յոթերորդ «Ոսկե գնդակը» խելագարություն կլիներ: Եթե չստանամ, ոչինչ չի լինի: Ես արդեն հասել եմ իմ ամենակարևոր նպատակներից մեկին, և ես շատ ուրախ եմ դրա համար: Թող լինի այն, ինչ պետք է լինի»,- ասել է Մեսսին իսպանական Sport-ի հետ զրույցում: