Մեծ Բրիտանիան կոչ է անում հետ քաշել զորքերն ու սկսել սահմանագծումը

Միացյալ Թագավորության եվրոպական հարևանության և Ամերիկայի հարցերով մշտական նախարար Ուենդի Մորթոնը Twitter-ի իր էջում անդրադարձել է հայ-ադրբեջանական սահմանին տիրող իրավիճակին։

Նա ասել է, որ խիստ մտահոգված է շարունակվող լարվածությամբ ու կոչ է արել կողմերին անհապաղ հետ քաշել զորքերը, խուսափել լարվածություն առաջացնող գործողություններից ու նոր ականապատումից։

Մորթոնը Միացյալ Թագավորության անունից հորդորել է՝ առանց նախապայմանների սկսել սահմանագծման գործընթացը։