Մոլդովան դարձավ առաջին երկիրը, որն անվտանգության և պաշտպանության պակտ ստորագրեց ԵՄ-ի հետ

Եվրամիության արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը հայտնել է՝ Մոլդովան դարձավ առաջին երկիրը, որը ԵՄ-ի հետ անվտանգության և պաշտպանության պակտ ստորագրեց։

«Այս գործընկերությունը կուժեղացի երկրի կայունությունը, թույլ կտա անվտանգային մարտահրավերների դեմ համատեղ մոտեցումներ մշակել, ավելի արդյունավետ կդարձնի մեր ներգրավվածությունը և թույլ կտա բացահայտել համագործակցության նոր ասպարեզներ», – X սոցցանցում գրել է Բորելը։