ՆԱՏՕ-ն վախկոտաբար անձնատուր եղավ Աֆղանստանում՝ դադարեցնելով բանակցությունները «Թալիբան» արմատական շարժման հետ, երկիրը դրանից հետո կարող է վերածվել ահաբեկչության նոր միջազգային կենտրոնի: Այս մասին հայտարարել է Չեխիայի նախագահ Միլոշ Զեմանը։
Հիշեցնենք, որ սեպտեմբերի սկզբին ԱՄՆ-ի նախագահ Դոնալդ Թրամփը հայտնեց, որ չեղյալ է հայտարարել «Թալիբանի» հանգուցային պարագլուխների և Աֆղանստանի նախագահի հետ Քեմպ Դևիդում գաղտնի պատրաստվող առանձին հանդիպումները:
«ՆԱՏՕ-ն պետք է ակտիվորեն պայքարի միջազգային ահաբեկչության դեմ, այլ ոչ թե նրա համար դիրքեր ազատի, ինչպես, օրինակ, դա տեղի ունեցավ Աֆղանստանում: Այնտեղ բանակցությունները դադարեցվեցին, և ոչ ոք չի երաշխավորում, որ ապագայում դրանք կվերսկսվեն»,- ասել է Զեմանը TV Barrandov-ի եթերում:
Չեխիայի նախագահի կարծիքով՝ այսպիսի իրավիճակում «Թալիբանը» բոլոր հնարավորություններն ունի ամբողջական վերահսկողության տակ վերցնելու Աֆղանստանը և դրանից ստեղծելու նոր միջազգային ահաբեկչական կենտրոն, որը կֆինանսավորվի թմրանյութերի վաճառքից ստացվող միջոցներով:
«Ցավոք, ՆԱՏՕ-ն ամեն ինչ անում է, որ հեռանա իր վերջին գործողության վայրից՝ Աֆղանստանից: Եվ դա ես կապիտուլյացիա և վախկոտություն եմ անվանում ու այդ մասին ասում եմ բարձրաձայն»,-շեշտել է Չեխիայի նախագահը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
