ՆԱՏՕ-ի գլխավոր քարտուղար Յենս Ստոլտենբերգը Հարավային Կորեային կոչ է արել մեծացնել ռազմական աջակցությունն Ուկրաինային՝ օրինակ բերելով Գերմանիան, որը փոխել է հակամարտող երկրներին զենք մատակարարելուց հրաժարվելու իր քաղաքականությունը։ Այս մասին հայտնում է Nikkei-ն։
«Եթե մենք չենք ցանկանում, որ ինքնավարությունն ու բռնակալությունը հաղթեն, ապա ուկրաինացիներին զենք է պետք, սա է իրականությունը», – ասել է գլխավոր քարտուղարը Սեուլում Հարավային Կորեայի բարձրաստիճան պաշտոնյաների հետ հանդիպման ժամանակ:
Ավելի վաղ Ստոլտենբերգը հայտարարել էր, որ Ուկրաինայի միջազգային գործընկերները պետք է նրան ավելի շատ ծանր սպառազինություն մատակարարեն։
«Եթե մենք ցանկանում ենք լուծում, որում Ուկրաինան գոյատևի որպես ինքնիշխան և ազատ երկիր, ապա բացարձակապես անհրաժեշտ է գործել հիմա։ Ավելի ծանր տեխնիկա բացարձակապես անհրաժեշտ է Ուկրաինային»,- ասել է նա։
ԽՈՐՀՈւՐԴ Է ՏՐՎՈւՄ ԿԱՐԴԱԼ
