ԱՄՆ-ը կոչ է արել իր քաղաքացիներին զգոն լինել «Ալ-Քաիդայի» առաջնորդ Այման ալ Զավահիրիի սպանությունից հետո արտերկրում հնարավոր հակաամերիկյան բռնությունների դեմ: Այս մասին գրում է BBC-ն։
Նրա մահը կարող է ստիպել Ալ-Քաիդայի կողմնակիցներին կամ այլ ահաբեկչական խմբավորումներին թիրախավորել ԱՄՆ-ի օբյեկտներն ու անձնակազմը, ասել է պետդեպարտամենտը:
Զավահիրին սպանվել է Աֆղանստանի մայրաքաղաք Քաբուլում ամերիկյան անօդաչու թռչող սարքից։
Նա օգնել էր կազմակերպել 9/11-ի հարձակումները ԱՄՆ-ում, որոնցում զոհվել է մոտ 3000 մարդ:
Երկուշաբթի օրը սպանությունը հաստատել է ԱՄՆ նախագահ Ջո Բայդենը։