Նազարբաևի դուստրը վայր դրեց մանդատը․ Խորհրդարանը հաստատեց հրաժարականը

Ղազախստանի Խորհրդարանի Ստորին պալատն հաստատել է Դարիգա Նազարբաևայի հրաժարականը պատգամավորական մանդատից և լիազորությունների վայր դնելը։

Այս մասին հայտնում է RIA-ն։

Նշենք, որ Նազարբաևան Նուրսուլթան Նազարբաևի ավագ դուստրն է։

Ավելի վաղ Նազարբաևան երկրի ԿԸՀ դիմում էր ուղարկել, ըստ որի՝ հանձնաժողովը վճռել էր միջնորդություն ներկայացնել Ստորին պալատ, որտեսզի դադարեցվի նրա լիազորությունները։

Հիշեցնենք նաև, որ դրանից առաջ, երբ Ղրղզստանում լարվել էր ներքաղաքական իրավիճակը, Նազարբաևան հայտարարել էր, որ ցանկանում է վայր դնել մանդատը։