Դեկտեմբերի 4-ին Նյու Յորքի կենտրոնում տեղի է ունեցել սուրբծննդյան տոնածառի լույսերը վառելու ամենամյա արարողությունը:
60 տարեկան և 23 մետրից ավելի բարձրություն ունեցող ծառը, որը տեղադրվել է Ռոքֆելեր-փլազա հրապարակում, զարդարվել է հսկայական զարդաշղթաներով, որոնց ընդհանուր երկարությունը մոտ 8 կիլոմետր է։ Դրանց վրա տեղադրված են 50 հազար գունավոր լույսեր։ Գագաթին հսկայական 70 անկյունանի բյուրեղյա աստղն է՝ մոտ 450 կիլոգրամ քաշով։ Այն ստեղծել են 3 մլն բյուրեղներից ավստրիական Swarovski ընկերության վարպետները։
ԱՄՆ-ում ավանդական սուրբծննդյան սեզոնն սկսվում է այն օրը, երբ Ռոքֆելեր-փլազայի տոնածառի լույսերը վառվում են։ Ակնկալվում է, որ այդ ընթացքում ծառի մոտ ամեն օր կգա մոտ կես միլիոն մարդ։ Ծառը մեգապոլիսի կենտրոնում կմնա մինչև 2020 թվականի հունվարի 14-ը, ինչից հետո կուղարկեն փայտասղոցման։
Նյու Յորքի գլխավոր սուրբծննդյան տոնածառը տեղադրել են նոյեմբերի 9-ին։ Ծառը մեգապոլիսին է նվիրել Նյու Յորքի բնակչուհի Քերոլ Շուլցը։
Ռոքֆելեր-փլազայում սուրբծննդյան տոնածառի տեղադրման ավանդույթը սկսվել է 1930-ական թվականներից։
ԽՈՐՀՈւՐԴ Է ՏՐՎՈւՄ ԿԱՐԴԱԼ
