Նյու Յորքի մետրոյում զենք հայտնաբերող արհեստական բանականությամբ սարք կփորձարկվի

Մետրոյում զենք հայտնաբերելու նպատակով Նյու Յորքում շուտով արհեստական բանականությամբ օժտված տեխնոլոգիա կփորձարկվի։

Այս մասին հայտարարել է քաղաքապետ Էրիկ Ադամսը:

Քաղաքը համագործակցում է Evolv-ի՝ Մասաչուսեթսում տեղակայված զենքերի հայտնաբերման ընկերության հետ, որի սարքերն օգտագործվում են դպրոցներում և երկրի այլ վայրերում:

Քաղաքապետը չի հստակեցրել, թե որտեղ են տեղադրվելու սարքերը և քանիսն են լինելու։